LA ANEXIÓN DEL AYUNTAMIENTO DE BOUZAS A VIGO (1900-1904)

Pretende ser a aportación do Instituto de Estudios Vigueses á efeméride do centenario da anexión do Concello de Bouzas polo de Vigo. Tema aínda sensible, busca dar unha visión imparcial do proceso anexionista. Déixase notar a falta de documentación que impide unha visión completa e descubrir o conxunto das súas claves polo miúdo. Lonxe de personalismos, os protagonistas son as circunstancias económicas, os intereses políticos, etc. que a varias bandas actúan en dirección á fusión concellil. Consta dunha presentación de como era o concello de Bouzas a comezos do século XX, para entrar de seguido na súa evolución político-administrativa, abordando logo os acontecementos que se sucederon ata culminar coa anexión, e remata cun achegamento ás causas que explican o auténtico porque deste feito histórico que ten repercusión ata os nosos días.