RECUERDOS DE GALICIA, 1ª Edición (Póstuma): 1896. La Coruña. Andrés Martínez, Editor, 143 p. Edición facsimilar para unir al libro “Teodosio Vesteiro Torres”: Vigo

No ano 1896 D. Andrés Martínez Salazar deu á luz na "Biblioteca Gallega" Recuerdos de Galicia, libro que Vesteiro Torres deixara preparado antes da súa morte. Nesta obra recóllense dezasete breves artigos que teñen como obxectivo a divulgación de personaxes galegos e de acontecementos relacionados con Galicia, para, deste modo dignificala e engrandecela. A temática dos traballos é moi variada e abarca un amplo abano temporal: desde a estancia dos romanos en Galicia ata o século XIX (Cinnania, a lenda dos Mariños, Pedro de Paz, Lobera, Augusto...). Trátase de cadros histórico-biográficos sen conexión entre eles e de amena lectura, nos que concorren e se mesturan sucesos reais e lendarios. Como home do Rexurdimento, máis que o rigor histórico, pesa en Vesteiro a función divulgativa e dignificadora de Galicia.