OS NOMES DA RÍA DE VIGO - III - Oitavén-Verdugo.O Facho de Donón

“Os Nomes da Ría de Vigo” constitúen unha triloxía de temática eminentemente filolóxica tratada en clave distendida e estructurada en forma dunha viaxe pola costa da Ría de Vigo con inicio en Cabo Silleiro e remate no Facho de Donón, na península do Morrazo. Os protagonistas destas tres viaxes son os pequenos nomes de lugar que decoran cada palmo de terreo deste fermoso litoral polo que os viaxeiros imos pasando ó camiñar e o seu único obxectivo e sensibilizar ó pobo e contribuír a que non esqueza que é o dono dunha riqueza patrimonial tan ameazada e degradada. Trátase de que as anécdotas recollidas ó longo do camiño e a posta en escena do diálogo popular que xurde de súpeto, anime e convide a seguir coa lectura do libro.