MEMORIA DUNHA PARROQUIA REPUBLICANA. San Miguel de Oia-Vigo na década dos trinta

A Guerra Civil en Oia non pode darse por rematada até xuño de 1948, que é cando se presenta diante da Garda Civil o último dos escapados da parroquia. Este libro trata das vivencias e recordos das familias dos labregos e mariñeiros de San Miguel de Oia; das esperanzas que puxeron na chegada da República, na confianza de que mellorase as súas vidas, e do posterior sufrimento xerado pola ira e a intolerancia do fascismo, triunfante tras a Guerra Civil.