EL AÑO DEL “DESASTRE”, 1898, EN VIGO

A perda dos últimos restos do imperio español en América viviuse coma un “Desastre” que acabou por darlle nome a aquel ano malfadado. O libro “leva” o “Desastre” á historia local á vez que sitúa a liorta entre Estados Unidos e España respecto a Cuba no contexto dunha redistribución colonial a escala mundial. O autor segue as páxinas da prensa para dar testemuño do optimismo previo á guerra, das inquedanzas e o medo nas horas da guerra nunha cidade coma Vigo que sabíase o porto español máis preto de Nova Iorke e que se fortificou temendo que a derrota tamén chegara a algún porto da Península, e conta os preparativos e o recibimento que a cidade deu ós soldados repatriados. O balance do comercio vigués con Cuba e de como a guerra afectou a este e unha guía cronolóxica do que aconteceu aquel ano dentro e fóra de Vigo, pechan as súas páxinas.