ARTE RUPESTRE NO SUR DA RÍA DE VIGO, ARTE RUPESTRE EN EL SUR DE LA RÍA DE VIGO, RUPESTRIAN ART IN THE SOUTH OF RÍA DE VIGO

As localizacións de gravados rupestres das dúas derradeiras décadas do século XX, nos vales do Tea, Fragoso, Miñor e Baixo Miño, converteron esta zona nun dos focos máis atractivos do denominado Grupo Galaico de Arte Rupestre Prehistórica. Superficies como as de armas de Auga da Laxe na serra de Galiñeiro (Gondomar), a embarcación de Auga dos Cebros en Oia, ou os grandes círculos do monte Tetón en Tebra (Tomiño), son únicas non só no Noroeste da península ibérica, senón tamén no contexto dos chamados gravados rupestres postpaleolíticos do continente europeo.