1939: “LA GUERRA HA TERMINADO”... HACE SESENTA AÑOS, EN VIGO

O libro pretende facer memoria dos feitos que dividiron con paixón a aqueles que a necesidade ou o azar colocou en bandos diferentes na cidade de Vigo nos anos da guerra civil. Esta é unha historia para a que o autor contou con testemuñas, moitas testemuñas, e os seus testemuños axudan ó lector a comprender mellor o que sucedeu. Pasarán diante dos ollos do lector “roxos” e “nacionais”, “republicanos” e “franquistas”, na dobre linguaxe daquel momento do noso pasado non tan pasado, testemuñas sen nome que dende a beirarrúa dalgunha rúa, seguramente “rebautizada” para maior gloria da “España nacional”, dende a fiestra ou a porta da súa casa ou dende a escola, asexaban e vían o que estaba pasando ante os seus ollos, cegados nalgúns casos polo entusiasmo, e noutros, domeados polo medo.