A fidelidade viguesa

Este traballo investiga a orixe do lema oficial de Vigo: “Fiel, Leal, Valerosa e Sempre Benéfica cidade”. A parte de “Leal e Valerosa” procede da Reconquista de 1809 e a expulsión das tropas napoleónicas), mentres que “Sempre Benéfica” foille outorgada en 1898 pola humanitaria axuda ofrecida ás derrotadas tropas que regresaban de Cuba. O estudo céntrase na controversia do adxectivo “Fiel”, que non estaba presente nas concesións reais orixinais, e foi incorporado posteriormente sen aparente sustento legal. Aínda que o lema completo foi oficializado polo Concello en 1987, o texto busca esclarecer a súa validez documental.